عەدنان کەریم - کۆچی کوردان

کۆچی کوردان وا بە کاروان دێ لەڕێی شارانەوە

ڕۆژ بە باری قورس و برسی، شەو لەبەر بارانەوە

نیشتمانی خۆمە دەیپێوم، دەڵێن ئاوارەیە

گەرچی بێ ڕەشماڵ و پێ خواس سنگ بە کۆسارانەوە

ڕێگە دوورە و خێڵی ماندوو و لێو بە بار و پێ پەتی

چاو بە ئەسرین دێنە پیری کۆچەکەی یارانەوە

نایە سۆزی دەنگی گۆرانی هەوارە و کۆچی سوور

کاروان گوێ داوە بە ناڵەی بریندارانەوە

بۆ مناڵێ تەرمی دایکی خۆی بەجێ دێڵ و ئەچێ

ئاسمان دەگری مەلان دەگرین بەسەر دارانەوە

دەنگی تۆپ و تیری دوژمن دێ لە شوێنی کۆچەوە

جێ هەواران وا بەدەستی سووری زۆردارانەوە